«Այբ» կրտսեր դպրոցի տնօրեն

Full time

Yerevan

Employment term Permanent

Category Education/training

Apply now

Job description:

Կրտսեր դպրոցի տնօրենը «Այբ» դպրոցի ավագ ղեկավարների թիմի անդամ է և հաշվետու է դպրոցի գործադիր տնօրենին։ Նրա հիմնական պատասխանատվությունը կրտսեր դպրոցի յուրաքանչյուր աշակերտի ամբողջական կրթական փորձառությունն ու զարգացումը ապահովելն է՝ ստեղծելով անվտանգ, արժեքահեն և ոգեշնչող միջավայր, որտեղ յուրաքանչյուր սովորող հնարավորություն ունի բացահայտելու իր ներուժը և հասնելու բարձր կրթական արդյունքների։ Միաժամանակ, որպես դպրոցի ավագ ղեկավար, նա մասնակցում է դպրոցի ռազմավարական կառավարմանը և համագործակցում դպրոցի մյուս թիմերի հետ՝ ապահովելով «Այբ» դպրոցի առաքելության և ռազմավարական նպատակների իրականացումը։

Առանձնացնում ենք «Այբ» կրտսեր դպրոցի տնօրենի գործունեության հետևյալ հիմնական ուղղությունները՝

ռազմավարական, գաղափարական և արժեքային առաջնորդություն,
կրթական գործընթացի կառավարում,
անձնակազմի կառավարում և զարգացում։

Job responsibilities

Լինել ոգեշնչող առաջնորդ դպրոցի համայնքների համար և նպաստել «Այբ» դպրոցի առաքելության իրականացմանը, արժեքների և սկզբունքների փոխանցմանն ու տարածմանը։

Ապահովել մշտապես զարգացնող կրթական միջավայր, որտեղ յուրաքանչյուրը հնարավորություն ունի բացահայտելու և իրացնելու իր ներուժը, փորձարկելու նոր մոտեցումներ և մեթոդներ:
Առաջնորդել կրտսեր դպրոցի զարգացումը՝ ներառյալ կրտսեր դպրոցի հայեցակարգի և զարգացման ռազմավարության մշակումը:
Ապահովել դպրոցի կրթական համակարգի շարունակական զարգացումն ու արդյունավետությունը։
Խրախուսել կրտսեր դպրոցի ներսում փորձի փոխանակման և լավագույն փորձի տարածման մշակույթը, հետազոտությունների իրականացումը, նախաձեռնել և աջակցել տվյալահեն նորարարությունների ներդրմանը:
Իրականացնել համագործակցության նախագծեր այլ դպրոցների և համալսարանների հետ՝ ընդլայնելով աշակերտների կրթական հնարավորություններն ու փորձառությունը։
Ապահովել աշակերտների սոցիալ-հուզական բարեկեցությանը նպաստող անվտանգ, աջակցող և զարգացնող միջավայր։
Ապահովել ակադեմիական ազնվության մշակույթի պահպանումը ինչպես աշխատակիցների, այնպես էլ աշակերտների շրջանում:
Ապահովել կրթական ծրագրերի անխափան իրականացումը և կրթական գործընթացի կազմակերպումը համաձայն պետական չափորոշիչների, «Այբ» դպրոցի կրթական ծրագրի և ուսումնառության նպատակների։
Համոզվել, որ կրթական գործընթացն ու ուսուցիչների աշխատանքը նպաստում են կրևտսեր դպրոցի յուրաքանչյուր աշակերտի՝ «Այբ» աշակերտի նկարագրի սկզբունքների համաձայն ձևավորմանն ու զարգացմանը։
Ստեղծել ոգեշնչող ուսումնառության բազմազան հնարավորություններ աշակերտների համար՝ նախագծերի, միջոցառումների, հանդիպումների և հանրային բարիքին միտված այլ նախաձեռնությունների միջոցով։
Ապահովել դասավանդման բովանդակության, կիրառվող մեթոդների և ուսումնական նյութերի համապատասխանությունը կրտսեր դպրոցի աշակերտների տարիքային առանձնահատկություններին և սովորողների արժեքային ու կրթական զարգացմանը։
Վերահսկել, որ դասացուցակի կազմումն ու ժամաբաշխումը կատարվեն ըստ կրտսեր դպրոցի աշակերտների տարիքային առանձնահատկությունների, առողջապահական պահանջների։
Մշտադիտարկել կրթության որակը կրտսեր դպրոցում՝ կիրառելով անաչառ գնահատման գործիքներ, հետազոտություններ և տվյալների վերլուծություն՝ աշակերտների ուսումնառության շարունակական բարելավումն ապահովելու նպատակով։
Նախաձեռնել և կատարել կրտսեր դպրոցի աշակերտների զարգացման արդյունքների վերաբերյալ վերլուծություններ, դրանց բարելավմանն ուղղված գործողություններ և ծրագրեր:
Ապահովել արդյունավետ և վստահելի հաղորդակցություն կրտսեր դպրոցի աշակերտների, ծնողների և այլ շահակիցների հետ, կազմակերպել կրտսեր դպրոցի ծնողական ժողովները, անհրաժեշտության դեպքում՝ անհատական հանդիպումները:

Ապահովել բարձր մասնագիտական որակների, շարունակական զարգացման և գերազանցության ձգտող թիմի ձևավորումը:
Պարբերաբար վերանայել և լավարկել դպրոցում առկա գործընթացները՝ հաշվի առնելով տվյալ պահին դպրոցի զարգացման կարիքները, սեփական և միջազգային լավագույն փորձը։
Ապահովել, որ թիմի համար սահմանված նպատակները համապատասխանեն դպրոցի ռազմավարությանն ու առաջնահերթություններին։
Մշակել և կիրառության մեջ դնել թիմի անդամների մասնագիտական զարգացման կարիքների բացահայտման և գնահատման շրջանակ (framework), դրա հիման վրա կազմել և իրականացնել անհատական և թիմային մասնագիտական զարգացման ծրագրեր։
Զարգացնել թիմի անդամների առաջնորդական կարողությունները և ապահովել անհրաժեշտ աջակցությունը:
Նպաստել թիմի շահադրդման, ներգրավվածության և պատասխանատվության մակարդակի բարձրացմանը, խթանել դրական, համագործակցային աշխատանքային միջավայր և թիմային ոգի:
Խթանել սերտ համագործակցություն դասվարների, դասավանդող ուսուցիչների, հոգեբանների և այլ աշխատակիցների միջև:

Նախաձեռնել և ղեկավարել կրտսեր դպրոցին հատուկ քաղաքականությունների, կարգերի և ընթացակարգերի մշակումը, պարբերաբար գնահատել գործող կարգերի արդյունավետությունը և կատարելագործել դրանք։
Ապահովել, որ դպրոցում առկա գործընթացները տեղի ունենան ըստ հաստատված կարգերի։
Մշտադիտարկել դպրոցում տեղի ունեցող գործընթացները, բարձրաձայնել առկա խնդիրները և ներգրավվել դրանց լուծման մեջ։

Սերտ համագործակցել միջին և ավագ դպրոցների, կրթական գծով տնօրենների հետ՝ դպրոցների համաժամյա աշխատանքը կազմակերպելու, աշակերտների և աշխատակիցների հետ աշխատանքում նույն սկզբունքներով և արժեքներով առաջնորդվելու նպատակով։
Հետևել միջազգային կրթական զարգացումներին, ուսումնասիրել առաջատար դպրոցների փորձն ու նորարարական մոտեցումները և նախաձեռնել փոփոխություններ դպրոցում։
Նախաձեռնել և իրականացնել համայնքաշինական ծրագրեր և միջոցառումներ՝ աշակերտների, ծնողների, բարերարների և այլ շահակիցների ներգրավմամբ:

Շարունակաբար ընդլայնել սեփական գիտելիքները դպրոցի գործունեությանն առնչվող ոլորտներում՝ ներառյալ կրթությունը, առաջնորդությունը, կառավարումը, ֆինանսները, իրավունքը, մարկետինգը և այլն:
Կազմել կրտսեր դպրոցի բյուջեն և ապահովել դրա արդյունավետ և նպատակային իրականացումը:
Հետևել կրթության ոլորտի օրենսդրական փոփոխություններին և ապահովել դրանց կիրառումը դպրոցում։
Ակտիվ ներգրավվել «Այբ» դպրոցի ճանաչման և առաջխաղացման գործընթացներում, աջակցել դրամահավաքային միջոցառումներին:
Պարբերաբար հաշվետվություններ ներկայացնել գործադիր տնօրենին, հոգաբարձուների խորհրդին և այլ իրավասու մարմիններին՝ կրտսր դպրոցի գործունեության, արդյունքների և ռազմավարական նպատակների իրականացման վերաբերյալ։

Կատարել գործադիր տնօրենի կամ հոգաբարձուների խորհրդի հանձնարարած այլ պարտականություններ:

Required qualifications

Բարձրագույն կրթություն, մագիստրոսի աստիճան՝ նախընտրաբար կրթության, մանկավարժության, կրթական կառավարման կամ հարակից ոլորտներում (այս ոլորտներում գիտական աստիճանը ցանկալի է)
Դասավանդման առնվազն 5 տարվա փորձ
Կրթական ծրագրերի մշակման, ներդրման և գնահատման փորձ
Ղեկավարի փորձառություն միջին կամ մեծ հաստատությունում
ՀՀ օրենսդրության և կրթական ոլորտի հիմնական կարգավորումների իմացություն
Հայերեն, ռուսերեն և անգլերեն գրավոր և բանավոր գերազանց հաղորդակցվելու հմտություններ
Ֆինանսների հիմունքների իմացություն՝ բյուջեն կարդալու և վերանայելու համար
Ժամանակակից կրթական միտումներին և զարգացումներին տեղեկացվածություն
Կրտսեր դպրոցի տարիքի երեխաների զարգացման առանձնահատկությունների և դրանց համապատասխան կրթական մեթոդաբանությունների խորքային իմացություն
Մարդկանց ոգևորելու, շահադրդելու և ներգրավելու կարողություն
Տարբեր շահակիցների՝ աշակերտների, ծնողների, ուսուցիչների, ղեկավարության և գործընկերների հետ արդյունավետ համագործակցելու կարողություն

Փաստական տվյալներն ուսումնասիրելու, դրանց հիման վրա եզրակացություններ անելու և որոշումներ կայացնելու կարողություն
Առաջնահերթություններ սահմանելու, բարդ խնդիրներ լուծելու, ռիսկերը գնահատելու ունակություն
Որոշումներ կայացնելու և պատասխանատվություն ստանձնելու ունակություն
Փոփոխությունների կառավարման և նորարարությունների ներդրման կարողություն
Ստեղծարար միտք
Հուզական բանականություն
Ճգնաժամային և ոչ ստանդարտ իրավիճակներում արագ և հավասարակշռված որոշումներ կայացնելու կարողությունՀարաբերություններ ստեղծելու և զարգացնելու կարողություն
Հումորի լավ զգացում
Ինքնաճանաչողություն