ՏԱՎ, Համապատասխանության ապահովման ուղղություն - Փորձագետ

Արդշինբանկն իր թիմը համալրելու նպատակով փնտրում է մասնագիտական բարձր որակավորում ունեցող ՏԱՎ, Համապատասխանության ապահովման ուղղություն - Փորձագետ։ Եթե համապատասխանում եք ներքոնշյալ պայմաններին, ապա մենք սպասում ենք Ձեզ:

Ինչ պարտականություններ կունենաս դու.

• Բանկի ներքին իրավական ակտերով սահմանված տեղեկատվական համակարգերի, տեղեկատվական անվտանգության համակարգերի, համակարգչային ցանցերի, այլ տեխնիկական և ծրագրային ենթակառուցվածքների անվտանգ շահագործման, սպասարկման և կառավարման պահանջների վերլուծություն, դրանց տեղեկատվական անվտանգության ապահովման մակարդակի գնահատում, բացահայտված ռիսկերի վերլուծություն և գնահատում, վերջիններիս նվազեցմանն ուղղված առաջարկությունների մշակում և ներկայացում,
• Տեղեկատվական համակարգերում տեղեկատվական անվտանգության պահանջների ստանդարտներին (ISO, ՀՀ օրենսդրական և այլ նորմատիվ պահանջներ) համապատասխանության վերլուծություն,
  առկա անհամապատասխանությունների բացահայտում, դրանց վերացմանն ու պահանջներին համապատասխանեցմանն ուղղված առաջարկությունների մշակում և ներկայացում,
• Ներքին աուդիտի ծառայության, արտաքին աուդիտի, ներթափանցման թեստավորումների (penetration testing), բարձր վտանգ պարունակող կայուն սպառնալիքների (APT) թեստավորումների և տեղեկատվական անվտանգությանն առնչվող այլ աշխատանքների իրականացմանն աջակցություն և կոորդինացում գործընկեր կազմակերպությունների հետ՝ ապահովելով գործընթացների արդյունավետությունն ու պահանջների լիարժեք կատարումը,
• Բանկի տեղեկատվական անվտանգության պատահարների բացահայտում և/կամ պատահարների վերաբերյալ ազդակների դեպքում դրանց վերլուծություն, առաջացած ռիսկերի գնահատում, բացահայտված ռիսկերի նվազեցմանն ուղղված առաջարկությունների մշակում և ներկայացում,
• Տեղեկատվական և տեխնիկական համակարգերի շահագործման ընթացքում առաջացած պատահարների վերլուծություն և գնահատում, դրանցից բխող ռիսկերի նվազեցմանն ուղղված առաջարկությունների մշակում և իրականացում,
• Հանձնարարականների կատարման հետստուգման իրականացում և արդյունքների ամփոփում,
• Ուղղության գործառույթներին առնչվող ներքին իրավական ակտերի նախագծերի մշակում, դրանց կատարելագործմանն ուղղված առաջարկների ներկայացում,
• Բանկի ներքին իրավական ակտերով, որոշումներով և հրամաններով իրեն վերապահված այլ գործառույթների և իր գործառույթներին առնչվող այլ հանձնարարականների կատարում:

Դիմիր եթե.

• Ունես բարձրագույն կրթություն, տեխնիկական մասնագիտացումը նախընտրելի է (օր. ՏՏ, կիբերանվտանգություն, տեղեկատվական համակարգեր և այլն),
• Ունես վերջին 5 տարվա ընթացքում առնվազն 3 տարվա աշխատանքային փորձ տեղեկատվության պաշտպանության ոլորտում (նախընտրելի է ֆինանսաբանկային ոլորտում) կամ առնվազն 3 տարվա աշխատանքային փորձ տեղեկատվական տեխնոլոգիաների ոլորտում,
• Ունես խորացված գիտելիքներ՝ ՏՏ կառավարման և մոնիտորինգի համակարգերի, Տվյալների պաշտպանության և անվտանգության գործիքների, Ծրագրային միջավայրերի (Windows, Linux, Network tools) վերաբերյալ,
• Ունես հատուկ սերտիֆիկացում կամ որակավորում պարտադիր չէ,սակայն միջազգային ճանաչված վկայականների առկայությունը (օր. ISO/IEC 27001, CISM, CISSP, CompTIA Security+) կդիտարկվի որպես առավելություն,
• Ունես հայերեն (գերազանց), ռուսերեն (գերազանց), անգլերեն (տեխնիկական՝ մասնագիտական փաստաթղթերի ընթերցում) լեզուների իմացություն,
• Ունես բանկային և ֆինանսական տեխնոլոգիաների վերաբերյալ ընդհանուր գիտելիքներ, Տեղեկատվական համակարգերի և գործընթացների կառավարման սկզբունքների տիրապետում։

Աշխատելով մեր թիմում դու կունենաս.

• Աշխատանք և կյանք բալանս. 24 վարձատրվող արձակուրդային օրեր, հավելյալ վարձատրվող հանգստյան օրեր (Day off) և ժամեր (Time off), ճկուն աշխատանքային գրաֆիկ, հեռավար աշխատելու հնարավորություն:
• Զարգացման հնարավորություն. Ուսուցման և զարգացման անհատական ծրագրեր, արտերկրում ուսուցման հնարավորություն, սկսնակ մասնագետների ուսուցում, ինչպես նաև վերապատրաստումներ՝ ուղղված աշխատակիցների մասնագիտական գիտելիքների և հմտությունների զարգացմանը:
• Հավելյալ արտոնություններ. Առողջության ապահովագրություն, կրիտիկական ապահովագրություն, արտոնյալ պայմաններով Բանկի պրոդուկտներից օգտվելու հնարավորություն, գործընկեր կազմակերպությունների կողմից առաջարկվող զեղչեր, թեմատիկ նվերներ աշխատակիցներին, բիզնես գործուղումների հնարավորություն:
• Թիմային ոգի. Թիմային հանդիպումներ, կորպորատիվ միջոցառումներ, ինտելեկտուալ և սպորտային խաղեր:
• Նյութական արտոնություններ. Հիմնական աշխատավարձից զատ՝ եռամսյակային և տարեկան բոնուսներ, ինչպես նաև աշխատավարձի տարեկան վերանայում:

Դիմելու կարգը.

Բոլոր այն անձինք, ովքեր հետաքրքրված են և ունեն համապատասխան որակավորում կարող են դիմել ստորև սեղմելով Apply Now/Դիմել հիմա: Հարցազրույցին կհրավիրվեն ստացված դիմում-հարցաթերթիկների նախնական քննարկման արդյունքում ընտրված անձինք: