ՀՀ ԿԵՆՏՐՈՆԱԿԱՆ ԲԱՆԿ
Հայաստանի Հանրապետություն
Ոլորտ`
Ֆինանսներ/Բանկ/Ապահովագրություն
Աշխատակիցների քանակը`
500-1500
Ընկերության տեսակը`
Ոչ առևտրային կազմակերպություն
Հիմնադրման տարեթիվ`
1993
Տնտեսագետ/Ֆինանսական շուկաների դեպարտամենտ/Կանխիկի կառավարման վարչություն/Դրամաշրջանառության կարգավորման և վերլուծությունների բաժին
Ամբողջ դրույք
Երևան
23 Սեպտեմբեր 2026
Աշխատանքի պայմաններ Մշտական
Կատեգորիա Տնտեսագիտություն
Աշխատանքի նկարագրություն՝
Մենք փնտրում ենք տնտեսագետ, ով պատասխանատու կլինի ՀՀ-ում կանխիկ դրամաշրջանառության կազմակերպման և կարգավորման համար։
Աշխատանքային պարտականություններ
- Մասնակցել ՀՀ տարածքում կանխիկ դրամաշրջանառությունը, ինչպես նաև Կենտրոնական բանկում կանխիկ դրամով գործառնությունները կարգավորող իրավական ակտերի նախագծերի կազմման և վերանայման աշխատանքներին:
- Ուսումնասիրել կանխիկ դրամաշրջանառության կարգավորման ոլորտում, դրամարկղային կենտրոններին ներկայացվող պահանջների և այլ խնդիրների վերաբերյալ միջազգային փորձն ու միտումները և ներկայացնել համապատասխան վերլուծություններ, առաջարկություններ:
- Մշտադիտարկել առևտրային բանկերի դրամարկղային կենտրոնների գործունեության արդյունքում Կենտրոնական բանկից ստացվող և Կենտրոնական բանկին հանձնվող կանխիկ դրամի հանդիպակաց փոխադրումները։
- Կազմակերպել և վարել Կենտրոնական բանկի կողմից մասնագիտական որակավորում ստացած ինկասատորներին վկայականների տրամադրման և որակավորված ինկասատորների տվյալների շտեմարանի հետ կապված աշխատանքները:
- Տրամադրել և հաշվառել ՀՀ թղթադրամների նմուշները ՀՀ տարածքում գործող առևտրային բանկերին, արտասահմանյան կենտրոնական բանկերին, դրամանիշեր և դրանց վերաբերյալ ամսագրեր տպագրող կազմակերպություններին, ինչպես նաև այլ ֆիզիկական և իրավաբանական անձանց:
- Հսկել ինկասացիոն կազմակերպությունների կողմից Կենտրոնական բանկի արժեքների փոխադրումների կնքված պայմանագրերի ընթացքը: Նախաձեռնել ինկասացիոն կազմակերպությունների հետ կնքվելիք պայմանագրերի նախագծերի նախապատրաստումը:
Անհրաժեշտ հմտություններ
- Բարձրագույն տնտեսագիտական կրթություն
- ՀՀ-ում կանխիկ դրամաշրջանառությունը, դրամարկղային գործառնությունները կարգավորող օրենսդրության իմացություն
- Մակրոտնտեսագիտության իմացություն
- Վիճակագրության իմացություն
- Հաշվապահական հաշվառման իմացություն
- Տնտեսագիտության տեսության իմացություն
- Կանխիկի կառավարման վերաբերյալ միջոզգային փորձի տիրապետում
- Անգլերենի և ռուսերենի իմացություն
- Հայերենի ազատ տիրապետում
Ինչպես նաև.
- Հաղորդակցման և ներկայացման հմտություններ
- Տեխնիկական հմտություններ և թվային գրագիտություն
- Վերլուծական հմտություններ
- Թիմային աշխատանքի և համագործակցության հմտություններ
- Խնդիրների լուծման և կոնֆլիկտների կառավարման հմտություններ
Լրացուցիչ տեղեկություն
Միայն նախնական փուլում ընտրված դիմորդները կտեղեկացվեն մրցույթի հաջորդ փուլերի մասին:
Լրացուցիչ տեղեկությունների և պարզաբանումների համար կարող եք զանգահարել՝ (+37410) 592-592
5119, 5114
Անձնակազմի և կորպորատիվ մշակույթի տնօրինություն
