Ավտոմատացված համակարգերի կառավարման ուղղության թիմի ղեկավար

Արդշինբանկն իր թիմը համալրելու նպատակով փնտրում է մասնագիտական բարձր որակավորում ունեցող Ավտոմատացված համակարգերի կառավարման ուղղության թիմի ղեկավար: Եթե համապատասխանում եք ներքոնշյալ պայմաններին, ապա մենք սպասում ենք Ձեզ:

Ինչ պարտականություններ կունենաս դու.

• Ուղղության աշխատակիցների կողմից իրականացվող աշխատանքների կազմակերպում և վերահսկում,
• Ուղղությանը վերաբերող հրամանների, կարգադրությունների և հանձնարարականների կատարման ապահովում,
• Կիրառական համակարգերի աշխատանքում առաջացած խնդիրների վիճակագրության ամփոփում և խնդիրների վերացման, համակարգերի օպտիմիզացման նպատակով միջոցառումների իրականացում ,
• Բանկում շահագործվող կիրառական համակարգերի սպասարկման հետ կապված պայմանագրերի պայմանների ձևավորում,
• Ավտոմատացված բանկային համակարգի շրջանակներում շահագործվող բոլոր մոդուլների և համակարգերի կառավարում,
• Ավտոմատացված բանկային համակարգի գործունեությանն աջակցող բոլոր համակարգերի կառավարում, անխափան աշխատանքի ապահովում և մոնիթորինգ,
• Ներբանկային համակարգի կառավարում,
• Տվյալների հենքերի կառավարում,
• Բանկի ներքին իրավական ակտերով, որոշումներով և հրամաններով իրեն վերապահված այլ գործառույթների և իր գործառույթներին առնչվող այլ հանձնարարականների կատարում:

Դիմիր եթե.

• Ունես վերջին 5 տարվա ընթացքում առնվազն 3 տարվա աշխատանքային փորձ ՏՀՏ ոլորտում, որից առնվազն 2-ը՝ ղեկավար պաշտոնում,
• Ունես բարձրագույն կրթություն (տեխնիկական կրթությունը նախընտրելի է),
• Ունես հայերենի և ռուսերենի գերազանց իմացություն, անգլերեն լեզվի լավ իմացություն,
• Ունես կազմակերպչական հմտություններ,
• Ունես կանոնակարգման և ստեղծագործական հմտություններ,
• Ունես կարգապահության և պատասխանատվության բարձր զգացում։

Աշխատելով մեր թիմում դու կունենաս.

• Աշխատանք և կյանք բալանս. 24 վարձատրվող արձակուրդային օրեր, հավելյալ վարձատրվող հանգստյան օրեր (Day off) և ժամեր (Time off), ճկուն աշխատանքային գրաֆիկ, հեռավար աշխատելու հնարավորություն:
• Զարգացման հնարավորություն. Ուսուցման և զարգացման անհատական ծրագրեր, արտերկրում ուսուցման հնարավորություն, սկսնակ մասնագետների ուսուցում, ինչպես նաև վերապատրաստումներ՝ ուղղված աշխատակիցների մասնագիտական գիտելիքների և հմտությունների զարգացմանը:
• Հավելյալ արտոնություններ. Առողջության ապահովագրություն, կրիտիկական ապահովագրություն, արտոնյալ պայմաններով Բանկի պրոդուկտներից օգտվելու հնարավորություն, գործընկեր կազմակերպությունների կողմից առաջարկվող զեղչեր, թեմատիկ նվերներ աշխատակիցներին, բիզնես գործուղումների հնարավորություն:
• Թիմային ոգի. Թիմային հանդիպումներ, կորպորատիվ միջոցառումներ, ինտելեկտուալ և սպորտային խաղեր:
• Նյութական արտոնություններ. Հիմնական աշխատավարձից զատ՝ ամսական, եռամսյակային և տարեկան բոնուսներ, ինչպես նաև աշխատավարձի տարեկան վերանայում:

Դիմելու կարգը.

Բոլոր այն անձինք, ովքեր հետաքրքրված են և ունեն համապատասխան որակավորում կարող են դիմել ստորև սեղմելով Apply Now/Դիմել հիմա: Հարցազրույցին կհրավիրվեն ստացված դիմում-հարցաթերթիկների նախնական քննարկման արդյունքում ընտրված անձինք: